"Sa Payag ni Pacita"

Jamaica Fayette V. Lopez

Usa ka oras na ang milabay
Sukad nilakaw si Adonis sa ilang balay
Nagsuot siya's iyang saninang iglalakaw
Nanghuwam pag antipara sa iyang agaw

Lalom na ang kagabhion
Ug sa dalan mura siya'g kaihion
Si Adonis kadyot na nahunong
Sa libon napugos ug suong

Ug sa dihang siya nakaginhawag tarong
Nipadayog baktas kung asa padulong
Nagbitbit siya sa iyang daang gitara
Ug ang kasingkasing na puno ug paghigugma

Layo pa lang nakita na niya
Ang kahayag sa nagdilaob na lampara
Kini gikan sa payag na
Gipuy-an ni Inday Pacita

Kanunay siyang makahinumdom
Sa oras na ang langit magdag-um
Manukad siya sa ibabaw sa kamansi
Kung asa makita niya si Pacita na gangisi

Pila nalang ka metro ang distansya
Sa payag sa iyang hinigugma
Ang kakulba gitulon niya
Kay mas importante nga maiya si Pacita

Ug sa dihang naa na siya sa Silong
'Maayo,maayo' iyang nagkatawang pulong
Pero sa pagbanganga sa pultahan
Iyang ngisi nahanaw sa kabituonan

Si Pacita na iyang hinigugma
Na sa iyang damgo nag-una
Adunay laing gakupot sa kamot
Ug ang dughan ni Adonis gikumot
Chat Conversation End
Type a message...