Ang babay sa kangitngit

"Dale P. Imperial"


Sa kangitngit sa kagabhion
Didto sa usa ka baybayon
Usa ka babay ang nagbistidag puti
Naglakaw nga murag walay kinabuhi

Ang mga taw nga nakita nakulbaan na
Kay siya naglakaw nga nag-inusa ra
Nagbitbit siya ug dako nga kalayo
Unya niana ang uban,"Murag santelmo"

Nikalit ra ug lutaw ang babay sa dagat
Napadpad siya dapit sa mga pagatpat
Niduol siya sa dakong bato
Ug didto nitungko mismo

Ang mga taw nakabantay,
Nisyagit, "Si Maria man diay!"
Ang ilang kahadlok napapas
Sama sa tubig sa dagat nga nihubas

Niduol si Maria ug niingon, "Naunsa mo?"
Nitubag sila, "Nakulbaan mi samtang naa pa ka didto!"
Ang mga taw nangatawa sa kalipay
Kay siya nanginhas ug nangisda ra man diay

Bantog nilutaw sa dagat
Kay dili siya ganahan sa tubig nga parat
Nisakay ug dakong balsa
Ug didto nilutaw ug murag gialsa

Sa kangitngit sa kagabhion
Nagluto sila ug isda sa kolon
Napulihan ang kahadlok sa kalipay
Kay si Maria nangisda ug nanginhas diay.